ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 10 : PALI ROMAN Ma.A. (papa–ca.4)

                           4. Vibhangavagga
                       1. Bhaddekarattasuttavannana
      [272] Evamme sutanti bhaddekarattasuttam. Tattha bhaddekarattassati
vipassananuyogasamannagatatta bhaddakassa ekarattassa. Uddesanti matikam.
Vibhanganti vittharabhajaniyam.
      Atitanti atite pancakkhandhe. Nanvagameyyati tanhaditthihi
nanugaccheyya. Nappatikankheti tanhaditthihi na pattheyya. Yadatitanti idamettha
karanavacanam. Yasma yam atitam, tam pahinam niruddham atthangatam, tasma tam puna
nanugaccheyya. Yasma ca yam anagatam, tam appattam ajatam anibbattam, tasma
tampi na pattheyya.
      Tattha tatthati paccuppannampi dhammam yattha yattheva uppanno, tattha
tattheva ca nam aniccanupassanadihi sattahi anupassanahi yo vipassati,
arannadisu va tattha tattheva vipassati. Asamhiram asankuppanti idam
vipassanapativipassanadassanattham vuttam. Vipassana hi ragadihi na samhirati na
sankuppatiti asamhiram asankuppam, tam anubruhaye, vaddheyya, pativipasseyyati
vuttam hoti. Atha va nibbanam ragadihi na samhirati na sankuppatiti asamhiram
asankuppam. Tam vidva pandito bhikkhu anubruhaye, punappunam tadarammanam tam
phalasamapattim appento vaddheyyati attho.
      Tassa pana anubruhantassa atthaya:- ajjeva kiccamatappanti
kilesanam atapanaparitapanena atappanti laddhanamam viriyam ajjeva katabbam.
Ko janna maranam suveti sve jivitam va maranam va ko janati. Ajjeva
danam va karissami, silam va rakkhissami, annataram va pana kusalam karissamiti
hi "ajja tava papanco atthi, sve va punadivase va karissami"ti cittam
anuppadetva ajjeva karissamiti evam viriyam katabbanti dasseti. Mahasenenati
Aggivisasatthadini hi anekani maranakaranani tassa sena, taya mahatiya
senaya vasena mahasenena evarupena maccuna saddhim "katipaham tava agamehi,
yavaham buddhapujadim attano avassayakammam karomi"ti evam mittasanthavakarasanakhato 1-
va, "idam satam va sahassam va gahetva katipaham agamehi"ti
evam lancanuppadanasankhato va, "imina 2- balarasina patibahissami"ti evam
balarasisankhato va sangaro natthi. Sangaroti hi mittasanthavakaralancanuppadanabala-
rasinam namam, tasma ayamattho vutto.
      Atanditanti analasam utthahakam. Evam patipannatta bhaddo ekaratto
assati bhaddekaratto. Iti tam evam patipannam puggalam "bhaddekaratto ayan"ti
ragadinam santataya santo buddhamuni acikkhati.
      [273] Evamrupotiadisu kalopi samano indanilamanivanno ahosinti
va evam manunnarupavaseneva evamrupo ahosim. Kusalasukhasomanassavedanavaseneva
evamvedano. Tamsampayuttanamyeva sannadinam vasena evamsanno evamsankharo
evamvinnano ahosim atitamaddhananti.
      Tattha nandim samanvanetiti tesu rupadisu tanham samanvaneti
anupavatteti. Hinarupadivasena pana evamrupo ahosim .pe. Evamvinnano
ahosinti na mannati.
      Nandim na samanvanetiti tanham va tanhasampayuttaditthim va nanupavattayati.
      [274] Evamrupo siyantiadisupi panitamanunnarupadivaseneva 3-
tanhaditthipavattasankhata nandisamanvanayanava veditabba.
      [275] Kathanca bhikkhave paccuppannesu dhammesu samhiratiti idam
"paccuppannanca yo dhammam, tattha tattha vipassati. Asamhiram asankuppan"ti
uddesassa niddesattham vuttam. Kamancettha "kathanca bhikkhave paccuppannam
dhammam na vipassati"tiadi vattabbam siya, yasma pana asamhirati ca asankuppati
@Footnote: 1 Ma. mittasanthavakarana....   2 cha.Ma. iminaham     3 cha.Ma. tammanunna,...
Ca vipassana vutta, tasma tassa eva abhavanca bhavanca dassetum samhiratiti
matikam uddharitva vittharo vutto. Tattha samhiratiti vipassanaya abhavato
tanhaditthihi akaddhiyati. Na samhiratiti vipassanaya bhavena tanhaditthihi na
akaddhiyati. Sesam sabbattha uttanamevati.
                    Papancasudaniya majjhimanikayatthakathaya
                     bhaddekarattasuttavannana nitthita.
                           -----------



             The Pali Atthakatha in Roman Book 10 page 174-176. http://www.84000.org/tipitaka/atthapali/read_rm.php?B=10&A=4421&modeTY=2              อรรถกถาบาลีอักษรไทย :- http://www.84000.org/tipitaka/atthapali/read_th.php?B=10&A=4421&modeTY=2              อ่านอรรถกถาแปลไทย :- http://www.84000.org/tipitaka/attha/attha.php?b=14&i=526              เนื้อความพระไตรปิฎกฉบับหลวง :- http://www.84000.org/tipitaka/read/r.php?B=14&A=7031              พระไตรปิฎกฉบับบาลีอักษรไทย :- http://www.84000.org/tipitaka/read/pali_read.php?B=14&A=6935              The Pali Tipitaka in Roman Character :- http://www.84000.org/tipitaka/read/roman_read.php?B=14&A=6935              Contents of The Tipitaka Volume 14 http://www.84000.org/tipitaka/read/?index_14

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com