|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5. Dantabhumisuttavannana
[213] Evamme sutanti dantabhumisuttam. Tattha arannakutikayanti
tasseva veluvanassa ekasmim vivittatthane padhanakammikanam bhikkhunam atthaya
katasenasane. Rajakumaroti bimbisarassa putto orasako.
Phuseyyati labheyya. Ekaggatanti evam patipanno samapattim nama
labhati, jhanam nama labhatiti idam maya sutanti vadati. Kilamathoti kayakilamatho.
@Footnote: 1 ka. nibaddham 2 Ma. ayam 3 Si. avasissimsu
Vihesati sveva kilamatho vutto. Yathasake tittheyyasiti attano
ajananakotthaseyeva tittheyyasiti.
[214] Desesiti cittekaggatam nama evam labhati, samapattim evam
nibbattetiti appanaupacaram papetva ekakasinaparikammam kathesi. Pavedetvati
pakasetva.
Nekkhammena natabbanti kamato nissatagunena natabbam. Kamato
nissatagune thitena puggalena ekaggam nama janitabbanti adhippayenetam
vuttam. Sesani tasseva vevacanani. Kame paribhunjantoti duvidhepi kame
paribhunjamano.
[215] Hatthidamma va assadamma va godamma vati ettha
adantahatthidammadayo viya cittekaggarahita puggala datthabba. Dantahatthiadayo
viya cittekaggasampanna. Yatha adantahatthidammadayo kutagaram akatva dhuram
achaddetva dantagamanam va gantum, dantehi va pattabbam bhumim papunitum na
sakkonti, evameva cittekaggarahita sampannacittekaggehi nibbattitagunam
va nibbattetum pattabhumim va papunitum na sakkonti.
[216] Hatthavilanghakenati hatthena hattham gahetva.
Dittheyyanti 1- passitabbayuttakam. Avutoti 2- avarito. Nivutoti 3-
nivarito. Ophutoti onaddho.
[217] Nagavanikanti hatthipadopame 4- nagavanacarako puriso
"nagavaniko"ti vutto, idha hatthisikkhaya kusalo hatthim gahetum samattho.
Atipassitvati disva. Etthagedhati etasmim pavattagedha. Sarasankappananti
dhavanasankappanam. 5- Manussakantesu silesu samadapanayati ettha yatha nago
itthipurisehi kumarakumarikahi sondadisu gahetva upakelayamano vikaram na
karoti sukhayati, tadanena manussakantani silani samadinnani nama honti.
@Footnote: 1 cha.Ma. dattheyyanti 2 cha.Ma. avutoti 3 cha.Ma. nivutoti
@4 Ma.mu. 12/288-299-252-261 5 Si. vacanasankappanam, Ma. badhanasankappanam
Pemaniyati tata raja te pasanno mangalahatthitthaneva thapessati,
rajarahani bhojanadini labhissasiti evarupi nagehi piyapitabbakatha. Sussusatiti
tam pemaniyakatham sotukamo hoti. Tinaghasodakanti tinaghasanceva udakanca.
Tinaghasanti ghasitabbam tinam, khaditabbanti attho.
Pandavoti dindimo. 1- Sabbavankadosanihitaninnitakasavoti nihitasabbavankadoso
ceva apanitakasavo ca. Anganteva sankham gacchatiti angasamo hoti.
[219] Gehasitasilananti pancakamagunanissitasilanam. Nayassati
atthangikamaggassa.
[222] Adantamaranam mahallako ranno nago kalakatoti ranno
mahallako nago adantamaranam mato kalakato hoti adantamaranam kalamkiriyam
nama kariyatiti ayamettha attho. Esa nayo sabbattha. Sesam sabbattha
uttanamevati.
Papancasudaniya majjhimanikayatthakathaya
dantabhumisuttavannana nitthita.
-------------
The Pali Atthakatha in Roman Book 10 page 142-144.
http://84000.org/tipitaka/atthapali/read_rm.php?B=10&A=3634&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=10&A=3634&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=14&i=388
เนื้อความพระไตรปิฎกฉบับหลวง :-
http://84000.org/tipitaka/read/r.php?B=14&A=5375
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=14&A=5191
The Pali Tipitaka in Roman Character :-
http://84000.org/tipitaka/read/roman_read.php?B=14&A=5191
Contents of The Tipitaka Volume 14
http://84000.org/tipitaka/read/?index_14
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]