|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Chabbisodhanasuttavannana [98] Evamme sutanti chabbisodhanasuttam. Tattha khina jatitiadisu ekenapi padena anna byakatava hoti, dvihipi. Idha pana catuhi padehi annam byakaranam abhatam. 1- Ditthe ditthavaditatiadisu yaya cetanaya ditthe dittham meti vadati, sa ditthe ditthavadita nama. Sesapadesupi eseva nayo. Ayamanudhammoti ayam sabhavo. Abhinanditabbanti na kevalam abhinanditabbam, parinibbutassa panassa sabbopi khinasavasakkaro katabbo. Uttaripanhoti sace panassa veyyakaranena asantuttha hotha, uttarimpi ayam panho pucchitabboti dasseti. Ito paresupi tisu varesupi ayameva nayo. [99] Abalanti dubbalam. Viragunanti vigacchanasabhavam. Anassasikanti assasavirahitam. Upayupadanati tanhaditthinametam adhivacanam. Tanhaditthiyo hi tebhumakadhamme upentiti upaya, 2- upadiyantiti upadana. Cetaso adhitthanabhinivesanusayatipi tasamyeva namam. Cittam hi tanhaditthihi sakkayadhammesu titthati adhititthatiti 3- tanhaditthiyo cetaso adhitthana, tahi ca 4- tam abhinivisatiti abhinivesa, etahiyeva tam anusetiti anusayati vuccanti. Khaya viragatiadisu khayena viragenati attho. Sabbanipetani 5- annamannavevacananeva. [100] Pathavidhatuti patitthanadhatu. Apodhatuti abandhanadhatu. Tejodhatuti paripacanadhatu. Vayodhatuti vitthambhanadhatu. Akasadhatuti asamphutthadhatu. Vinnanadhatuti vijananadhatu. Na attato upagacchinti aham attati attakotthasena na upagamim. Na ca pathavidhatunissitanti pathavidhatunissita sesadhatuyo ca upadarupanca arupakkhandha ca. Tepi hi nissitavatthurupanam pathavidhatunissitatta ekena pariyayena pathavidhatunissitava. Tasma "na ca pathavidhatunissitan"ti vadanto sesaruparupadhammepi attato na upagacchinti vadati. Akasadhatunissitapade pana @Footnote: 1 cha.Ma. agatam 2 Ma. upaya 3 Ma. titthatiti 4 cha.Ma. ayam saddo na dissati @5 cha.Ma. sabbani cetani--------------------------------------------------------------------------------------------- page64.
Avinibbhogavasena sabbampi bhutupadarupam akasadhatunissitam nama, tatha tam nissitarupavatthuka arupakkhandha. Evam idhapi ruparupam gahitameva hoti. Vinnanadhatunissitapade pana sahajata tayo khandha cittasamutthanarupanca vinnanadhatunissitanti ruparupam gahitameva hoti. [101] Rupe cakkhuvinnane cakkhuvinnanavinnatabbesu dhammesuti ettha yam atite cakkhudvarassa apatham agantva niruddham, yanca anagate apatham agantva nirujjhissati, yampi etarahi agantva niruddham tam sabbam rupam nama. Yam pana atitepi apatham anagantva niruddham, anagatepi anagantva nirujjhissati, etarahipi anagantva niruddham. Tam cakkhuvinnanena vinnatabbadhammesu sangahitanti vutte tepitakaculabhayatthero aha "imasmim thane dvedha karotha, upari chandovare kinti karissatha, nayidam labbhati"ti. Tasma tisu kalesu apatham agatam va anagatam va sabbampi nam rupameva, cakkhuvinnanasampayutta pana tayo khandha cakkhuvinnanavinnatabbadhammati veditabba. Ayam hettha attho "cakkhuvinnanena saddhim vinnatabbesu dhammesu"ti. Chandoti tanhachando. Ragoti sveva rajjanavasena rago. Nanditi sveva abhinandanavasena nandi. Tanhati sveva tanhayanavasena tanha. Sesadvaresupi eseva nayo. [102] Ahankaramamankaramananusayati ettha ahankaro mano, mamankaro tanha, sveva mananusayo. Asavanam khayananayati idam pubbenivasam dibbacakkhunca avatva kasma vuttam? bhikkhu lokiyadhammam na pucchanti, lokuttarameva pucchanti, tasma pucchitapanhamyeva kathento evamaha. Ekavisajjitasuttam nametam, chabbisodhanantipissa namam. Ettha hi cattaro vohara pancakkhandha cha dhatuyo cha ajjhattikabahirani ayatanani attano savinnanakakayo paresam savinnanakakayoti ime cha kotthasa visuddha, tasma "../../bdpicture/chabbisodhaniyan"ti vuttam. Parasamuddavasitthera pana attano ca parassa ca vinnanakakayam ekameva katva catuhi aharehi saddhinti cha kotthase vadanti.--------------------------------------------------------------------------------------------- page65.
Ime pana cha kotthasa "kinte adhigatam, kinti te adhigatam, kada te adhigatam, kattha te adhigatam, katame te kilesa pahina, katamesam tvam dhammanam labhi"ti 1- evam vinayaniddesapariyayena sodhetabba. Ettha hi kinte adhigatanti adhigamapuccha, jhanavimokkhadisu sotapattimaggadisu va kintaya adhigatam. Kinti te adhigatanti upayapuccha. Ayanhi etthadhippayo:- kintaya aniccalakkhanam dhuram katva adhigatam, dukkhanattalakkhanesu annataram va, kim va samadhivasena abhinivisitva, udahu vipassanavasena, tatha kim rupe abhinivisitva, udahu arupe, kim va ajjhattam abhinivisitva, udahu bahiddhati. Kada te adhigatanti kalapuccha, pubbanhamajjhantikadisu katarasmim kaleti vuttam hoti. Kattha te adhigatanti okasapuccha, katarasmim 2- okase, kim rattitthane divatthane rukkhamule mandape katarasmim va vihareti vuttam hoti. Katame te kilesa pahinati pahinakilese pucchati, kataramaggavajjha tava kilesa pahinati vuttam hoti. Katamesam tvam dhammanam labhiti patiladdhadhammapuccha, pathamamaggadisu katamesam tvam dhammanam labhiti vuttam hoti. Tasma idani cepi koci bhikkhu uttarimanussadhammadhigamam byakareyya, na so ettavatava sakkatabbo. Imesu pana chasu thanesu sodhanattham vattabbo "kim te adhigatam kim jhanam udahu vimokkhadisu annataran"ti. Yo hi yena adhigato dhammo, so tassa pakato hoti. Sace "idam nama me adhigatan"ti vadati, tato "kinti te adhigatan"ti pucchitabbo. Aniccalakkhanadisu kim dhuram katva, atthattimsaya va arammanesu ruparupaajjhattabahiddhadibhedesu va dhammesu kena mukhena abhinivisitvati. Yo hi yassabhiniveso, so tassa pakato hoti. Sace pana "ayannama me abhiniveso, evam maya adhigatan"ti vadati, tato "kada te adhigatan"ti pucchitabbo, "kim pubbanhe, udahu majjhantikadisu @Footnote: 1 vi. mahavi. 1/198/127 2 cha.Ma. kismim--------------------------------------------------------------------------------------------- page66.
Annatarasmim kale"ti. Sabbesam hi attana adhigatakalo pakato hoti. Sace "asukasmim nama me kale adhigatan"ti vadati, tato "kattha te adhigatan"ti pucchitabbo, "kim divatthane, udahu rattitthanadisu annatarasmim okase"ti, sabbesanhi attana adhigatokaso pakato hoti. Sace asukasmim nama me okase adhigatan"ti vadati, tato "katame te kilesa pahina"ti pucchitabbo, "kim pathamamaggavajjha, udahu dutiyadimaggavajjha"ti. Sabbesanhi attana adhigatamaggena pahina kilesa pakata honti. Sace "ime nama me kilesa pahina"ti vadati, tato "katamesam tvam dhammanam labhi"ti pucchitabbo, "kim sotapattimaggassa, udahu sakadagamimaggadisu annatarassa"ti. Sabbesanhi attana adhigatadhammo pakato hoti. Sace "imesam namaham dhammanam labhi"ti vadati, ettavatapissa vacanam na saddhatabbam. Bahussuta hi uggahaparipucchakusala bhikkhu imani cha thanani sodhetum sakkonti. Imassa pana bhikkhuno agamanapatipada sodhetabba, yadi agamanapatipada na sujjhati, "imaya patipadaya lokuttaradhamma nama na labbhanti"ti apanetabbo. Yadi panassa agamanapatipada sujjhati, "digharattam tisu sikkhasu appamatto jagariyamanuyutto catusu paccayesu alaggo akase panisamena cetasa viharati"ti pannayati, tassa bhikkhuno byakaranam patipadaya saddhim samsandati sameti. "seyyathapi nama gangodakam yamunodakena saddhim samsandati sameti, evameva supannatta tena bhagavata savakanam nibbanagamini patipada samsandati sameti nibbananca patipada ca"ti 1- vuttasadisam hoti. Apica kho ettakenapi sakkaro na katabbo. Kasma? ekaccassa hi Puthujanassapi sato khinasavapatipattisadisa patipada hoti. Tasma so bhikkhu tehi tehi upayehi uttasetabbo. Khinasavassa nama asaniyapi matthake patamanaya bhayam va chambhitattam va lomahamso va na hoti, puthujjanassa appamattakenapi hoti. @Footnote: 1 di.maha. 10/296/191--------------------------------------------------------------------------------------------- page67.
Tatrimani vatthuni:- dighabhanakaabhayatthero kira ekam pindapatikam pariggahetum asakkonto daharassa sannam adasi, so tam nahayamanam kalyaninadimukhadvare nimujjitva pade aggahesi, pindapatiko kumbhiloti sannaya mahasaddamakasi, tada nam puthujjanoti sanjanimsu. Candamukhatissarajakale 1- pana mahavihare samghatthero khinasavo dubbalacakkhuko vihareyeva acchi, raja theram parigganhissamiti bhikkhacaram gatesu appasaddo upasankamitva sappo viya pade aggahesi, thero silathambho viya niccalo hutva ko etthati aha. Aham bhante tissoti. Sugandham vayasi no tissati. Evam khinasavassa bhayam nama natthi. Ekacco pana puthujjanopi atisuro hoti nibbhayo. So rajaniyena arammanena parigganhitabbo. Vasabharajapi hi ekam theram parigganhamano ghare nisidapetva tassa santike badaraphalamva maddapesi, 2- mahatherassa khelo cali, tato therassa puthujjanakabhavo avibhuto. Khinasavassa hi rasatanha nama suppahina, dibbesupi rasesu nikanti nama na hoti. Tasma imehi upayehi pariggahetva sace tassa bhayam va chambhitattam lomahamso va rasatanha va uppajjati, na tvam arahati apanetabbo. Sace pana abhiru acchambhi anuttarasi hutva siho viya nisidati, dibbarammanepi nikantim na janeti, ayam bhikkhu sampannaveyyakarano samanta rajarajamahamattadihi pesitam sakkaram arahatiti. Papancasudaniya majjhimanikayatthakathaya chabbisodhanasuttavannana nitthita. -------------The Pali Atthakatha in Roman Book 10 page 63-67. http://84000.org/tipitaka/atthapali/read_rm.php?B=10&A=1598&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=1598&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=14&i=166 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=2445 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=2432 The Pali Tipitaka in Roman Character :- http://84000.org/tipitaka/read/roman_read.php?B=14&A=2432 Contents of The Tipitaka Volume 14 http://84000.org/tipitaka/read/?index_14
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]