|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10. Culapunnamasuttavannana
[91] Evamme sutanti culapunnamasuttam. Tattha tunhibhutam tunhibhutanti
yam yam disam anuviloketi, tattha tattha tunhibhutameva. Anuviloketvati
pancapasadapatimanditani akkhini ummiletva tato tato viloketva antamaso
hatthakukkuccapadakukkuccanampi abhavam disva. Asappurisoti papapuriso. No hetam
bhanteti yasma andho andham viya so tam janitum na sakkoti, tasma evamahamsu.
Eteneva nayena ito paresupi varesu tisu thanesu attho veditabbo.
Asaddhammasamannagatoti papadhammasamannagato. Asappurisabhattiti asappurisasevano.
Asappurisacintiti asappurisacintaya cintako 1-. Asappurisamantiti
asappurisamantanam manteta. Asappurisavacoti asappurisavacam bhasita.
Asappurisakammantoti asappurisakammanam katta. Asappurisaditthiti
asappurisaditthiya samannagato, asappurisadananti asappurisehi databbam danam.
Tyassa mittati te assa mitta. Attabyabadhayapi cetetiti panam hanissami,
adinnam adiyissami, miccha carissami, dasa akusalakammapathe samadaya vattissamiti
evam attano dukkhatthaya cinteti. Parabyabadhayati yatha asuko asukam panam
hanati, asukassa santakam adinnam adiyati, dasa akusalakammapathe samadaya vattati, evam nam
anapessamiti evam parassa dukkhatthaya cinteti. Ubhayabyabadhayati aham
asukanca asukanca gahetva dasa akusalakammapathe samadaya vattissamiti evam
ubhayadukkhatthaya cintetiti.
@Footnote: 1 Ma. cittiko
Attabyabadhayapi mantetitiadisu aham dasa akusalakammapathe samadaya
vattissamiti cintento mantento attabyabadhaya manteti nama. Asukam dasa
akusalakammapathe samadapessamiti mantento parabyabadhaya manteti nama.
Annena saddhim "mayam ubhopi ekato hutva dasa akusalakammapathe samadaya
vattissama"ti mantento ubhayabyabadhaya manteti nama.
Asakkaccam danam detiti deyyadhammampi puggalampi na sakkaroti. Deyyadhammam
na sakkaroti nama uttanduladidosasamannagatam aharam deti, na pasannam
karoti. Puggalam na sakkaroti nama nisidanatthanam asammajjitva yattha va tattha
va nisidapetva yam va tam va adharakam thapetva danam deti. Asahatthati
attano hatthena na deti, dasakammakaradihi dapeti. Acittikatvati hettha
vuttanayena deyyadhammepi puggalepi na cittikaram katva deti. Apavitthanti
chaddetukamo hutva vammike godham 1- pakkhipanto viya deti. Anagamanaditthikoti
no phalapatikankhi hutva deti.
Tattha uppajjatiti na danam datva niraye uppajjati. Yam pana tena
papaladdhikaya micchadassanam gahitam, taya micchaditthiya niraye uppajjati.
Sukkapakkho vuttapatipakkhanayena veditabbo. Devamahattatati chakamavacaradeva.
Manussamahattatati tinnam kulanam sampatti. Sesam sabbattha uttanameva. Idam pana
suttam suddhavattavaseneva kathitanti.
Papancasudaniya majjhimanikayatthakathaya
culapunnamasuttavannana nitthita.
Pathamavaggavannana nitthita.
@Footnote: 1 cha. uragam, Ma. rogam
The Pali Atthakatha in Roman Book 10 page 54-55.
http://84000.org/tipitaka/atthapali/read_rm.php?B=10&A=1375&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=10&A=1375&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=14&i=130
เนื้อความพระไตรปิฎกฉบับหลวง :-
http://84000.org/tipitaka/read/r.php?B=14&A=2187
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=14&A=2169
The Pali Tipitaka in Roman Character :-
http://84000.org/tipitaka/read/roman_read.php?B=14&A=2169
Contents of The Tipitaka Volume 14
http://84000.org/tipitaka/read/?index_14
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]