ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 10 : PALI ROMAN Ma.A. (papa–ca.4)

                       9. Mahapunnamasuttavannana
      [85] Evamme sutanti mahapunnamasuttam. Tattha tadahuti tasmim ahu,
tasmim divaseti attho. Upavasanti etthati uposatho. Upavasantiti silena va
anasanena va upeta hutva vasantiti attho. Ayam panettha atthuddharo:-
"ayamavuso kappina uposatham gamissama"tiadisu hi patimokkhuddeso uposatho.
"atthangasamannagato kho visakhe uposatho upavuttho"tiadisu 3- silam. "suddhassa
ve sada phaggu, suddhassuposatho sada"tiadisu 4- upavaso. "uposatho nama
nagaraja"tiadisu 5- pannatti. "na bhikkhave tadahuposathe sabhikkhuka
avasa"tiadisu 6- upavasitabbadivaso. Idhapi soyeva adhippeto. So panesa
atthamicatuddasipannarasibhedena tividho. Tasma sesapadadvayanivaranattham pannaraseti
vuttam. Tena vuttam "upavasanti etthati uposatho"ti. Masapunnataya punna
@Footnote: 1 Ma. vannetiti sannam, cha. vannetiti panham  2 Ma. oloketum pindapatam,
@cha. ulloketum na pindapatam  3 ana. atthaka. 23/133/260 (sya)
@4 Ma.mu. 12/79/52  5 di. maha. 10/246/151
@6 vi. maha. 4/181/198
Sampunnati punna. Maiti cando vuccati, so ettha punnoti punnama.
Evam punnaya punnamayati imasmim padadvaye attho veditabbo.
      Desanti karanam. Tenahi tvam bhikkhu sake asane nisiditva pucchati
kasma bhagava thitassa akathetva nisidapesiti. Ayam kira bhikkhu satthimattanam
padhaniyabhikkhunam samghatthero satthi bhikkhu gahetva aranne vasati. Te tassa santike
kammatthanam gahetva ghatenti vayamanti. Mahabhutani parigganhanti upadayarupani,
namarupapaccayalakkhanarammanikavipassanam parigganhanti. Atha te sayam acariyupatthanam
agantva vanditva nisinne thero mahabhutapariggahadini pucchati. Te sabbam
kathenti, maggaphalapanham pucchita pana kathetum na sakkonti. Atha thero cintesi
"mama santike etesam ovadassa parihani natthi, ime ca araddhaviriya viharanti.
Kukkutassa paniyapivanakalamattampi tesam pamadaviharita 1- natthi. Evam santepi
maggaphalani nibbattetum na sakkonti. Aham imesam ajjhasayam na janami,
buddhaveneyya ete bhavissanti, gahetva ne satthu santikam gacchami, atha nesam
sattha cariyavasena dhammam desessati"ti.  te bhikkhu gahetva satthu santikam agato.
      Satthapi sayanhasamaye anandattherena upanitam udakam adaya sariram utum
ganhapetva migaramatupasadaparivene pannattavarabuddhasane nisidi. Bhikkhusamghopi
nam parivaretva nisidi.
      Tasmim samaye suriyo atthangameti, cando uggacchati, majjhatthane bhagava
nisinno. Candassa pabha natthi, suriyassa pabha natthi, candimasuriyanam pabham
makkhetva chabbanna yamakabuddharasmiyo vijjotamana punjapunja 2- hutva
disavidisasu dhavantiti sabbam hettha vuttanayena vittharetabbam. Vannabhumi 3-
namesa, dhammakathikassevettha thamo pamanam, yattakam sakkoti, tattakam kathetabbam.
Dukkathitanti na vattabbam. Evam sannisinnaya parisaya thero utthahitva sattharam
panhassa okasam karesi. Tato bhagava "sace imasmim thitake pucchante `acariyo
no utthito'ti sesabhikkhu utthahissanti, evam tathagate agaravo kato bhavissati,
@Footnote: 1 cha.Ma. pabhadakiriya  2 cha.Ma. punja    3 Si. vannabhananabhumi
Atha nisinnava pucchissanti, acariye agaravo kato bhavissati, ekagga hutva
dhammadesanam paticchitum na sakkunissanti. Acariye pana nisinne tepi nisidissanti.
Tato ekagga dhammadesanam paticchitum sakkunissanti"ti. Imina karanena bhagava
thitakassa akathetva nisidapetiti.
      Ime nu kho bhanteti vimatipuccha viya kathita. Thero pana pancakkhandhanam
udayabbayam parigganhitva arahattam patto mahakhinasavo, natthi etassa vimati.
Janantenapi pana ajanantena viya hutva pucchitum vattati. Sace hi jananto
viya pucchati, "janati ayan"ti tassa tassa vissajjento ekadesameva katheti.
Ajanantena viya pucchite pana kathento ito ca etto ca karanam aharitva
pakatam katva katheti. Koci pana ajanantopi jananto viya pucchati. Thero
evarupam vacanam kim karissati, janantoyeva pana ajananto viya pucchatiti
veditabbo.
      Chandamulakati tanhamulaka. Evamrupo siyanti sace odato hotukamo,
haritalavanno va manosilavanno va siyanti pattheti. Sace kalo hotukamo,
niluppalavanno va anjanavanno va atasipupphavanno 1- va siyanti pattheti.
Evamvedanoti kusalavedano va sukhavedano va siyanti pattheti. Sannadisupi
eseva nayo. Yasma pana atite patthana nama natthi, patthentenapi ca na
sakka tam laddhum, paccuppannepi na hoti, na hi odato kalabhavam patthetva
paccuppanne kalo hoti, na kalo va odato, digho va rasso, rasso
va digho, danam pana datva silam va samadiyitva "anagate khattiyo va homi
brahmano va"ti patthentassa patthana samijjhati. Tasma anagatameva gahitam.
      Khandhadhivacananti khandhanam khandhapannatti kittakena hotiti pucchati.
      Mahabhutahetuti "tayo kusalahetu"tiadisu 2- hi hetuhetu vutto. Avijja
punnabhisankharadinam sadharanatta sadharanahetu. Kusalakusalam attano attano
vipakadane uttamahetu. Idha paccayahetu adhippeto. Tattha pathavidhatu mahabhutam
@Footnote: 1 Si., anasipupphavanno, Ma. apitapupphavanno   2 abhi. san. 34/1441/318
Itaresam tinnam bhutanam upadarupassa ca pannapanaya dassanatthaya hetu ceva
paccayo ca. Evam sesesupi yojana veditabba.
      Phassoti "phuttho bhikkhave vedeti, phuttho sanjanati, tuttho ceteti"ti 1-
vacanato phasso tinnam khandhanam pannapanaya hetu ceva paccayo ca.
Vinnanakkhandhassati ettha patisandhivinnanena ca tava saddhim gabbhaseyyakanam
uparimaparicchedena samatimsarupani sampayutta ca tayo ca khandha uppajjanti,
tam namarupam patisandhivinnanassa pannapanaya hetu ceva paccaye ca. Cakkhudvare
cakkhupasado ceva ruparammananca rupam, sampayutta tayo khandha namam. Tam namarupam
cakkhuvinnanassa pannapanaya hetu ceva paccayo ca. Eseva nayo sesavinnanesu.
      [87] Katham pana bhanteti idam kittakena na khoti vattam pucchanto
evamaha. Sakkayaditthi na hotiti idam vivattam pucchanto evamaha.
      [88] Ayam rupe assadoti imina parinnapativedho ceva dukkhasaccam ca
kathitam. Ayam rupe adinavoti imina pahanapatavedho ceva samudayasaccam ca. Idam
rupe nissarananti imina sacchikiriyapativedho ceva nirodhasaccam ca. Ye imesu tisu
thanesu sammaditthiadayo dhamma, ayam bhavanapativedho maggasaccam. Sesapadesupi
eseva nayo.
      [89] Bahiddhati parassa savinnanake kaye. Sabbanimittesuti imina
pana anindriyabaddhampi sanganhati. "savinnanake kaye"ti vacanena va attano
ca parassa ca kayo gahitova, bahiddha ca sabbanimittaggahanena anindriyabaddham
ganhati.
      [90] Anattakataniti anattani thatva katani. Kamattanam phusissantiti
katarasmim attani thatva vipakam dassentiti sassatadassanam okkamanto evamaha.
Tanhadhipateyyenati tanhajetthakena. Tatra tatrati tesu tesu dhammesu.
Satthimattananti ime bhikkhu pakatikammatthanam pajahitva annam navakammatthanam
@Footnote: 1 phuttho ceteti phuttho sanjanati, sam. sala. 17/127/87 (sya)
Sammasanta pallankam abhinditva tasmimyeva asane arahattam papunimsu. Sesam
sabbattha uttanamevati.
                    Papancasudaniya majjhimanikayatthakathaya
                     mahapunnamasuttavannana nitthita.
                       -------------------



             The Pali Atthakatha in Roman Book 10 page 50-54. http://84000.org/tipitaka/atthapali/read_rm.php?B=10&A=1278&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=1278&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=14&i=120              เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=1980              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=2018              The Pali Tipitaka in Roman Character :- http://84000.org/tipitaka/read/roman_read.php?B=14&A=2018              Contents of The Tipitaka Volume 14 http://84000.org/tipitaka/read/?index_14

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]