ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 1 : PALI ROMAN Vinaya.A. (samanta.1)

     {121} Idani etesveva sanketakammanimittakammesu asammohattham
bhikkhum anapetitiadimaha. Tattha so tam mannamanoti so
avaharako yam anapakena nimittasannam katva vuttam tam etanti
mannamano tameva avaharati ubhinnam parajikam. So tam mannamano
annanti yam avaharati vutto tam etanti mannamano annam tasmimyeva
thane thapitam avaharati mulatthassa anapatti. Annam mannamano
tanti anapakena nimittasannam katva vuttam bhandam appaggham
idam annam tasseva samipe thapitam sarabhandanti evam annam
mannamano tameva avaharati ubhinnam parajikam. Annam
mannamano annanti purimanayeneva idamannam tasseva samipe
thapitam sarabhandanti mannati tance annameva hoti tasseva
parajikam.
     Itthannamassa pavadatiadisu eko acariyo tayo
buddharakkhitadhammarakkhitasangharakkhitanamaka antevasika datthabba.
Tattha bhikkhu bhikkhum anapetiti acariyo kinci bhandam katthaci
sallakkhetva tassa haranatthaya buddharakkhitam anapeti. Itthannamassa
pavadati gaccha tvam buddharakkhita etamattham dhammarakkhitassa pavada.
Itthannamo itthannamassa pavadatuti dhammarakkhitopi sangharakkhitassa
pavadatu. Itthannamo itthannamam bhandam avaharatuti evam taya
anattena dhammarakkhitena anatto sangharakkhito itthannamam bhandam
avaharatu so hi amhesu virajatiko patibalo imasmim kammeti.
Apatti dukkatassati evam anapentassa acariyassa tava
dukkatam. Sace pana sa anatti yatha adhippayam gacchati yam
parato thullaccayam vuttam anattikkhane tadeva hoti atha tam
bhandam avassam hariyam hoti yam parato sabbesam apatti
parajikassati vuttam tato imassa tamkhanamyeva parajikam hotiti
ayam yutati sababattha veditabba. So itarassa arocetiti
buddharakkhito dhammarakkhitassa dhammarakkhito ca sangharakkhitassa amhakam
acariyo evam vadati itthannamam kira bhandam avahara tvam kira
amhesu virapurisoti aroceti evam tesampi dukkatam. Avaharako
patigganhatiti sadhu harissamiti sangharakkhito sampaticchati.
Mulatthassa apatti thullaccayassati sangharakkhitena patiggahitamatte
acariyassa thullaccayam mahajano hi tena pape niyojitoti.
So tam bhandanti so ce sangharakkhito tam bhandam avaharati
sabbesam catunnampi jananam parajikam. Na kevalanca catunnam
etena upayena visanketam akatva paramparaya anapentam samanasatam
va samanasahassam va hotu sabbesam parajikameva. Dutiyavare.
So annam anapetiti so acariyena anatto buddharakkhito
dhammarakkhitam adisva va avattukamo va hutva sangharakkhitameva
upasankamitva amhakam acariyo evamaha itthannamam kira
bhandam avaharati anapeti. Apatti dukkatassati anattiya
tava buddharakkhitassa dukakatam. Patigganhati apatti dukkatassati
sangharakkhitena sampaticchite mulatthasseva dukkatanti veditabbam.
Sace pana so tam bhandam avaharati anapakassa ca buddharakkhitassa
avaharakassa ca sangharakkhitassati ubhinnampi parajikam. Mulatthassa
pana acariyassa visanketatta parajikena anapatti. Dhammarakkhitassa
ajananatta sabbena sabbam anapatti. Buddharakkhito pana dvinnam
sotthibhavam katva attana nattho.
     Ito paresu catusu anattivaresu pathame tava. So gantva
puna paccagacchatiti bhandatthanam gantva anto ca bahi ca arakkham
disva avaharitum asakkonto agacchati. Yada sakkosi tadati
kim ajjeva hatam hatam hoti gaccha yada sakkosi tada tam avaharati.
Apatti dukkatassati evam puna anattiyapi dukkatameva hoti.
Sace pana tam bhandam avassam hariyam hoti atthasadhikacetana nama
Magganantaraphalasadisa tasma ayam anattikkhaneyeva parajiko.
Sacepi avaharako satthivassatikkamena tam bhandam avaharati anapako
ca antarayeva kalam karoti hinaya va avattati assamanova
hutva kalam karissati hinaya va avattissati avaharakassa pana
avaharakakhaneyeva parajikam. Dutiyavare yasma tam sanikam va
bhananto tassa va badhirataya ma avahariti etam vacanam na saveti
tasma mulattho na mutto. Tatiyavare pana savitatta mutto.
Catutthavare tena ca savitatta itarena ca sadhuti sampaticchitva
oramitatta ubhopi muttati.
                   Anattikatha nitthita.



             The Pali Atthakatha in Roman Book 1 page 449-452. http://84000.org/tipitaka/atthapali/read_rm.php?B=1&A=9442&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=1&A=9442&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=121              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=6582              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=1910              The Pali Tipitaka in Roman Character :- http://84000.org/tipitaka/read/roman_read.php?B=1&A=1910              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]