ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 1 : PALI ROMAN Vinaya.A. (samanta.1)

     Evam vittharavasena apattibhedam dassetva idani anapattim
dassento anapatti adhimanenatiadimaha. Tattha adhimanenati
adhikamanena samudacarantassa anapatti. Anullapanadhippayassati
kohannena icchacare atthatva anullapanadhippayassa sabrahmacarinam
santike annam byakarontassa anapatti. Ummattakadayo
pubbe vuttanayaeva. Idha pana adikammika vaggumudatiriya
bhikkhu tesam anapattiti.
                 Padabhajaniyavannana nitthita.
     Samutthanadisu. Idam sikkhapadam tisamutthanam hatthamuddhaya
arocentassa kayacittato vacibhedena arocentassa vacacittato
ubhayam karontassa kayavacacittato samutthati kiriya sannavimokkham
sacittakam lokavajjam kayakammam vacikammam akusalacittam tivedanikam.
Hasantopi hi somanissito ullapati bhayantopi majjhattopi.
     {223} Vinitavatthusu adhimanavatthu anuppannattiyam vuttanayameva.
     Dutiyavatthusmim. Panidhayati patthanam katva. Evam mam
jano sambhavessatiti evam aranne vasantam mam jano arahatte
@Footnote: 1. dve vare upadaya paccayapatisamyuttavarakatha nitthitati vattabbam.
Va sekkhabhumiyam va sambhavessati tato lokassa sakkato bhavissami
garukato manito pujitoti. Apatti dukkatassati evam panidhaya
aranne vasissamiti gacchantassa padavare padavare dukkatam.
Tatha aranne kutikaranacankamananisidananivasanaparupanadisu sabbakiccesu
payoge payoge dukkatam. Tasma evam aranne na vasitabbam.
Evam vasanto hi sambhavanam labhatu va ma va dukkatam apajjati.
Yo pana samadinnadhutango dhutangam rakkhissamiti va gamante me
vasato cittam vikkhipati arannam sappayanti va cintetva addha
aranne tinnam vivekanam annataram papunissamiti va arannam
pavisitva arahattam apapunitva na nikkhamissamiti va arannavaso
nama bhagavata pasattho mayi ca aranne vasante bahu sabrahmacarino
gamantam hitva arannika bhavissantiti va evam anavajjavasam
vasitukamo hoti tena vasitabbam. Tatiyavatthusmim. Abhikkamadini
santhapetva pindaya carissamiti nivasanaparupanakiccato pabhuti
yava bhojanapariyosanam tava payoge payoge dukkatam sambhavanam
labhatu va ma va dukkatameva. Khandhakavattasekhiyavattaparipuranattham
pana sabrahmacarinam ditthanugatiapajjanattham va pasadikehi
abhikkamapatikkamadihi pindaya pavisanto anupavajjo vinnunanti.
Catutthapancamavatthusu yo te vihare vasiti ettha vuttanayeneva
ahanti avuttatta parajikam natthi. Attupanayikameva hi
samudacarantassa parajikam vuttam. Panidhaya cankamitiadini
Hettha vuttanayaneva. Samyojanavatthusmim. Samyojana pahinatipi
dasa samyojana pahinatipi ekam samyojanam pahinantipi vadato
kilesappahanameva arocitam hoti tasma parajikam. {224} Rahovatthusu.
Raho ullapatiti rahogato araha ahanti vadati na manasa cintitimeva
karoti tenettha dukkatam vuttam. Viharavatthu upatthanavatthu ca
vuttanayameva. {225} Na dukkaravatthusmim. Tassa bhikkhuno ayam laddhi
ariyapuggalava bhagavato savakati. Tenaha ye kho te bhagavato
savaka te evam vadeyyunti. Yasma cassa ayam adhippayo
silavata araddhavipassakena na dukkaram annam byakatum patibalo
so arahattam papunitunti tasma anullapanadhippayo ahanti
aha. Viriyavatthusmim. Aradhaniyoti sakka aradhetum sampapetum
nibbattetunti attho. Sesam vuttanayameva. Maccuvatthusmim.
So bhikkhuti yassa vipatisaro uppajjati so bhayeyya mayham pana
avipatisaravatthukani parisuddhani silani svaham kim maranassa
bhayissamiti etamatthavasam paticca naham avuso maccuno bhayamiti
aha. Tenassa anapatti. Vipatisaravatthusmimpi eseva nayo.
Tato parani tini vatthuni viriyavatthusadisaneva. Desanavatthusu
pathamavatthusmim tava. So bhikkhu patisankhanabalena adhivasanakhantiyam
thatva navuso sakka yena va tena va adhivasetunti aha.
Tenassa anapatti. Dutiye pana attupanayikam akatva navuso
sakka puthujjanenati pariyayena vuttatta thullaccayam.
     {226} Brahmanavatthusu. So kira brahmano na kevalam ayantu
bhonto arahanto aha yamyam panassa vacanam mukhato niggacchati
sabbam arahantanam asanani pannapetha padodakam detha arahanto
pade dhovantuti arahantavadapatisamyuttamyeva. Tam panassa pasadabhannam
saddhacaritatta attano saddhabalena samussahitassa vacanam. Tasma
bhagava anapatti bhikkhave pasadabhanneti aha. Evam vuccamanena
pana bhikkhuna na hatthatuttheneva paccaya paribhunjitabba
arahattasampapikam pana patipadam paripuressamiti evam yogo karaniyoti.
Annabyakaranavatthuni samyojanavatthusadisaneva. Agaravatthusmim.
So bhikkhu gihibhave anatthikataya anapekkhataya abhabbo kho
avuso madisoti aha na ullapanadhippayena tenassa anapatti.
     {227} Avatakamavatthusmim. So bhikkhu vatthukamesu ca kilesakamesu ca
lokikeneva adinavadassanena nirapekkho tasma avata me avuso
kamati aha tenassa anapatti. Ettha ca avatati avarita
nivarita patikkhittati attho. Abhirativatthusmim. So bhikkhu
sasane anukkanthitabhavena uddesaparipucchadisu ca abhiratibhavena
abhirato aham avuso paramaya abhiratiyati aha na ullapanadhippayena
tenassa anapatti.
     Pakkamanavatthusmim. Yo imamha avasa pathamam pakkamissatiti
evam avasam va mandalam va simam va yankinci thanam paricchinditva
kataya katikaya yo mam arahati janantuti tamha thana pathamam
Pakkamati parajiko hoti. Yo pana acariyupajjhayanam va
kiccena matapitunam va kenacideva karaniyena bhikkhacarattham va
uddesaparipucchanam va atthaya annena va tadisena karaniyena
tam thanam atikkamitva gacchati anapatti. Sacepissa evam
gatassa paccha icchacaro uppajjati na danaham tattha
gamissami evam mam arahati sambhavessantiti anapattiyeva.
Yopi kenacideva karaniyena tam thanam patva sajjhayamanasikaradivasena
annavihito va hutva coradihi va anubaddho megham va
utthitam disva anovassakam pavisitukamo tam thanam atikkamati
anapatti. Yanena va iddhiya va gacchantopi parajikam na
apajjati padagamaneneva apajjati. Tampi yehi saha katika
kata tehi saddhim apubbam acarimam gacchanto na apajjati.
Evam gacchanta hi sabbepi annamannam rakkhanti. Sacepi
mandaparukkhamuladisu kinci thanam paricchinditva yo ettha nisidati
va cankamati va tam arahati janissamati pupphani va thapetva
yo imani gahetva pujam karissati tam arahati janissamatiadina
nayena katika kata hoti. Tatrapi icchacaravasena
tatha karontassa parajikameva. Sacepi upasakena antaramagge
viharo va kato hoti civaradini va thapitani honti ye
arahanto te imasmim vihare vasantu civaradini ca ganhantati.
Tatrapi icchacaravasena vasantassa va tani va ganhantassa
Parajikameva. Etam pana adhammikam katikavattam tasma na
katabbam. Annam va evarupam imasmim temasabbhantare sabbe
arannika hontu pindapatikangadiavasesadhutangadhara va athava
sabbeva khinasava hontutievamadi. Nanaverajjaka hi bhikkhu
sannipatanti. Tattha keci dubbala appatthama evarupam vattam
anupaletum na sakkonti. Tasma evarupampi vattam na katabbam.
Imam temasam sabbeheva na uddisitabbam na paripucchitabbam na
pabbajetabbam mugavattam ganhitabbam bahi simatthassapi sanghalabho
databbotievamadikam pana na katabbameva.
     {228} Lakkhanasamyutte yvayam ayasma ca lakkhanoti lakkhanatthero
vutto esa jatilasahassassa abbhantaro ehibhikkhuupasampadaya
upasampanno adittapariyayavasane arahattam patto eko mahasavakoti
veditabbo. Yasma panesa lakkhanasampannena sabbakaraparipurena
brahmasamena attabhavena samannagato tasma lakkhanoti sankhyam
gato. Mahamoggallanatthero pana pabbajitadivasato sattame
divase arahattam patto dutiyo aggasavako. Sitam patvakasiti
mandahasikam patum akasi. Pakasayi dassesiti vuttam hoti. Kim
pana disva thero sitam patvakasiti. Upari paliyam agatam
atthikasankhalikam ekam petaloke nibbattasattam disva. Tanca kho
dibbena cakkhuna na pasadacakkhuna. Pasadacakkhussa hi ete
attabhava na apatham agacchanti. Evarupam pana attabhavam
Disva karunne kattabbe kasma sitam patvakasiti. Attano
ca buddhananassa ca sampattisamanussaranato. Tam hi disva
thero aditthasaccena nama puggalena patilabhitabba evarupa
attabhava mutto aham labha vata me suladdham vata meti
attano ca sampattim anussaritva aho buddhassa bhagavato
nanasampatti yo kammavipako bhikkhave acinteyyo na cintetabboti
desesi paccakkham vata katva buddha desenti supatividdha
buddhanam dhammadhatuti evam buddhananasampattinca saritva sitam
patvakasiti. Yasma pana khinasava nama na akarana sitam
karonti tasma tam lakkhanatthero pucchi ko nukho avuso
moggallana hetu ko paccayo sitassa patukammayati. Thero
pana yasma yehi ayam uppatti samam adittha te dussaddhapaya
honti tasma bhagavantam sakkhim katva byakatukamataya akalo
kho avusotiadimaha. Tato bhagavato santike puttho idhaham
avusotiadina nayena byakasi. Tattha atthikasankhalikanti
setam nimmamsalohitam atthikasanghatam. Gijjhapi kankapi kulalapiti
etepi yakkhagijjha ceva yakkhakanka ca yakkhakulala ca paccetabba.
Pakatikanam pana gijjhadinam apathampi etam rupam nagacchati.
Anupatitva anupatitvati anubandhitva anubandhitva. Vitudentiti
vinivijjhitva gacchanti. Vitudantiti va patho. Asidharupamehi
tikhinehi lohatundehi vijjhantiti attho. Sa sudam attassaram
Karotiti ettha sudanti nipato. Sa atthikasankhalika attassaram
aturassaram karotiti attho. Akusalavipakanubhavanattham kira
yojanappamanapi tadisa attabhava nibbattanti pasadussada ca honti
pakkagandasadisa. Tasma sa atthikasankhalika balavavedanatura
tadisam saramakasiti. Evanca vatva puna ayasma mahamoggallano
vattagamisatta nama evarupa attabhava na muccantiti sattesu
karunnam paticca uppannam dhammasamvegam dassento tassa mayham
avuso etadahosi acchariyam vata bhotiadimaha. Bhikkhu
ujjhayantiti yesam sa petuppatti apaccakkha te ujjhayanti.
Bhagava pana therassa anubhavam pakasento cakkhubhuta vata bhikkhave
savaka viharantitiadimaha. Tattha cakkhu bhutam jatamuppannam
tesanti cakkhubhuta. Bhutacakkhuka uppannacakkhuka cakkhum uppadetva
viharantiti attho. Dutiye padepi eseva nayo. Yatra hi
namati ettha yatrati karanavacanam. Tatrayamatthayojana yasma
nama savakopi evarupam nassati va dakkhissati va sakkhim va
karissati tasma avocumha cakkhubhuta vata bhikkhave savaka
viharanti nanabhuta vata bhikkhave savaka viharantiti. Pubbeva
me so bhikkhave satto ditthoti bodhimande sabbannutannanapativedhena
appamanesu cakkavalesu appamane sattanikaye
bhavagatithitinivase ca paccakkham karontena maya pubbeva so satto
ditthoti vadati. Goghatakoti gavo vadhitva atthito mamsam
Mocetva vikkinitva jivitakappanakasatto. Tasseva kammassa
vipakavasesenati tasseva nanacetanahi ayuhitassa
aparapariyakammassa. Tatra hi yaya cetanaya narake patisandhi janita
tassa vipake parikkhine avasesakammam va kammanimittam va
arammanam katva puna petadisu patisandhi nibbattati tasma
sa patisandhi kammasabhagataya va arammanasabhagataya va tasseva
kammassa vipakavasesoti vuccati. Ayanca satto evam uppanno.
Tenaha tasseva kammassa vipakavasesenati. Tassa kira naraka
cavanakale nimmamsakatanam gunnam atthirasi eva nimittam ahosi so
paticchannampi tam kammam vinnunam pakatam viya karonto atthikasankhalikapeto
jato. {229} Mamsapesivatthusmim. Goghatako mamsapesiyo katva sukkhapetva
valluravikkayena anekani vassani jivitam kappesi. Tenassa naraka
cavanakale mamsapesiyeva nimittam ahosi. So mamsapesipeto jato.
Mamsapindavatthusmim. So sakuniko sakune gahetva vikkinakale
nippakkhacamme mamsapindamatte katva vikkinanto jivitam kappesi.
Tenassa naraka cavanakale mamsapindova nimittam ahosi. So
mamsapindapeto jato. Nicchavivatthusmim. Tassa orabbhikassa
elake vadhitva niccamme katva kappitajivitassa purimanayeneva
niccammam elakasariram nimittam ahosi. So nicchavipeto jato.
Asilomavatthusmim. So sukariko 1- digharattam nivapavutthe sukare
@Footnote: 1. sokariko.
Asina vadhitva digharattam jivitam kappesi. Tassa ukkhittasikabhavova
nimittam ahosi. Tasma asilomapeto jato. Sattilomavatthusmim.
So magaviko ekam miganca sattinca gahetva vanam gantva
tassa migassa samipam agatagate mige sattiya vijjhitva maresi.
Tassa sattiya vijjhanabhavoyeva nimittam ahosi. Tasma
sattilomapeto jato. Usulomavatthusmim. Karanikoti rajaparadhike
anekahi karanahi piletva avasane kandena vijjhitva
maranapuriso. So kira amukasmim padese viddho maratiti natvava
vijjhati. Tasseva jivitam kappetva narake uppannassa tato
vipakavasesena idhupapattikale usuna vijjhanabhavoyeva nimittam
ahosi. Tasma usulomapeto jato. Sucilomavatthusmim.
Sarathiti assadamako. Godamakotipi kurundatthakathayam vuttam.
Tassa patodasuciya vijjhanabhavoyeva nimittam ahosi. Tasma
sucilomapeto jato. Dutiyasucilomavatthusmim. Sucikoti
pesunnakarako. So kira manusse annamannanca bhindi rajakule
ca imassa imam 1- nama atthi imina idannama katanti sucetva
sucetva anayabyasanam papesi. Tasma yatha tena sucetva
manussa bhinna tatha sucihi bhedanadukkham paccanubhotum kammameva
nimittam katva sucilomapeto jato. Andabharavatthusmim.
Gamakutoti vinicchayamacco. Tassa kammasabhagataya kumbhamatta
@Footnote: 1. idam.
Mahaghatappamana anda ahesum. So hi yasma rahopaticchanne
thane lancam gahetva kutavinicchayena pakatam dosam karonto
samike assamike akasi tasmasassa rahassam angam pakatam
nibbattam. Yasma dandam patthapento paresam asayhabharam aropesi
tasmassa rahassam angam asayhabharo hutva nibbattam. Yasma
yasmim thane thitena samena bhavitabbam tasmim thatva visamo
ahosi tasmassa rahassange visama nisajja ahositi.
Paradarikavatthusmim. So satto parassa rakkhitagopitam sassamikam
phassam phusanto milhasukhena kamasukhena cittam ramayitva kammasabhagataya
guthaphassam phusanto dukkhamanubhavitum tattha nibbatto. Dutthabrahmanavatthusmim.
     {230} Yasma matugamo nama attano phasse anissaro
sa ca tam samikassa santakam phassam thenetva paresam abhiratim
uppadesi tasma kammasabhagataya sukhasamphassam dhamsitva dukkhasamphassam
anubhavitum nicchavitthi hutva uppanna. Mangulitthivatthusmim.
Mangulinti virupam duddasikam vibhaccham. Sa kira ikkhanikakammam
yakkhadasikammam karonti imina ca imina ca evam balikamme
kate ayannama tumhakam vuddhi bhavissatiti mahajanassa gandhapupphadini
vancanaya gahetva mahajanam dudditthim micchaditthim ganhapesi.
Tasma taya kammasabhagataya gandhapupphadinam thenitatta duggandha
duddassanassa gahitatta duddasika virupa vibhaccha hutva nibbatta.
Okilinitthivatthusmim. Uppakkam okilinim okiraninti sa kira
Angaracittake nipanna vipphandamana parivattamana paccati tasma
uppakka ceva hoti kharena aggina pakkasarira ca okilini ca
kilinnasarira ca bindubindunissa sarirato paggharanti okirani ca
angaraparikinna. Tassa hi hetthatopi kimsukapupphavanna
angara ubhayapassesupi akasatopissa upari angara patanti.
Tena vuttam uppakkam okilinim okiraninti. Sa issapakata
sapattim angarakatahena okirati. Tassa kira ranno eka
natakini angarakataham samipe thapetva gattato udakanca punchati
panina ca sedam karoti. Raja taya saddhim kathanca karoti
upari tutthakaranca dasseti. Aggamahesi tam asahamana issapakata
hutva acirapakkantassa ranno tam angarakataham gahetva tassa
upari angare okiri. Sa tam kammam katva tadisamyeva vipakam
paccanubhavitum petaloke nibbatta. Coraghatavatthusmim. So
ranno anaya digharattam coranam sisani chinditva petaloke
nibbattanto asisakabandham hutva nibbatti. Bhikkhuvatthusmim.
Papabhikkhuti lamakabhikkhu. So kira lokassa saddhadeyye cattaro
paccaye paribhunjitva kayavacidvarehi asannato bhinnajivo
cittakelim kilanto vicari. Tato ekam buddhantaram niraye paccitva
petaloke nibbattanto bhikkhusadiseneva attabhavena nibbatti.
Bhikkhunisikkhamanasamanerasamanerivatthusupi ayameva vinicchayo.
     {231} Tapodavatthusmim. Acchodakoti pasannodako. Sitodakoti
Sitaludako. Satodakoti madhurodako. Setodakoti parisuddhodako
nissevalapanakakaddamo. Sutitthoti 1- sundarehi titthehi 2-
upapanno. Ramaniyoti ratijanako. Cakkamattaniti rathacakkappamanani.
Kutthita 3- sandatiti tatta santatta hutva sandati. Yatayam
bhikkhaveti yato ayam bhikkhave. So dahoti so rahado. Kuto
panayam sandatiti. Vebharapabbatassa kira hettha bhummatthakanaganam
pancayojanasatikam nagabhavanam devalokasadisam manimayena talena
aramuyyanehi ca samannagatam. Tattha naganam kilanatthane so
udakadaho. Tato ayam tapoda sandati. Dvinnam mahanirayanam
antarikaya agacchatiti rajagahanagaram kira avijjhitva mahapetaloko
tattha dvinnam mahalohakumbhinirayanam antarena ayam tapoda agacchati
tasma kutthita sandatiti. Yuddhavatthusmim. Nandi caratiti
vijayabheri ahindati. Raja avuso licchavihiti thero kira
attano divatthane ca rattitthane ca nisiditva licchaviyo
katahattha katupasana raja ca tehi saddhim sampaharam detiti
avajjento dibbena cakkhuna rajanam parajitam palayamanam
addasa. Tato bhikkhu amantetva raja avuso tumhakam
upatthako licchavihi pabhaggoti aha. Saccam bhikkhave moggallano
ahati parajitakale avajjitva yam dittham tam bhananto saccam
aha. {232} Nagogahavatthusmim. Sappinikayati evamnamikaya.
Anenjam samadhinti anenjamacalam kayavacavipphandanavirahitam
@Footnote: 1. paliyampana supatitthoti dissati .   2. titthehiti bhaveyya.
@3. paliyampana kuthitati dissati.
Catutthajjhanasamadhim. Nagananti hatthinam. Ogaham uttarantananti
ogahitva puna uttarantanam. Te kira gambhiram udakam otaritva
tattha nahatva ca pivitva ca sondaya udakam gahetva annamannam
aloletva uttaranti. Tesam evam ogayha uttarantananti
vuttam hoti. Koncam karontananti naditire thatva sondam
mukhe pakkhipitva koncanadam karontanam. Saddam assosinti
tam koncanadasaddam assosim. Attheso bhikkhave samadhi so
ca kho aparisuddhoti atthi eso samadhi moggallanassa so
ca kho parisuddho na hoti. Thero kira pabbajitato sattame
divase tadahu arahattappatto atthasu samapattisu pancahakarehi
acinnavasibhavo samadhiparipanthike dhamme na sutthu parisodhetva
avajjanasamapajjanaadhitthanavutthanapaccavekkhananam sannamattakameva
katva catutthajjhanam appetva nisinno jhanangehi vutthaya
naganam saddam sutva antosamapattiyam assosinti evamsanni
ahosi. Tena vuttam attheso bhikkhave samadhi so ca kho
aparisuddhoti.
     Sobhitavatthusmim. Aham avuso pancakappasatani anussaramiti
ekavajjanena anussaramiti aha. Itaratha hi anacchariyam
ariyasavakanam patipatiya nanavajjanena tassa tassa atitanivasassa
anussarananti na bhikkhu ujjhayeyyum. Yasma panesa ekavajjanena
anussaramiti aha tasma bhikkhu ujjhayimsu. Atthesa bhikkhave
Sobhitassa sa ca kho ekayeva jatiti yam sobhito jatim
anussaramiti aha atthesa jati sobhitassa sa ca kho
ekayeva anantara na uppatipatiya anussaritati adhippayo.
Katham panayam etam anussariti. Ayam kira pancannam kappasatanam
upari titthayatane pabbajitva asannisamapattim nibbattetva
aparihinajjhano kalam katva asannibhave nibbatti. Tattha
yavatayukam thatva avasane manussaloke uppanno sasane pabbajitva
tisso vijja sacchakasi. So pubbenivasam anussaramano
imasmim attabhave patisandhim disva tato param tatiye attabhave
cutimeva addasa. Atha ubhinnamantara acittakam attabhavam
anussaritum asakkonto nayato sallakkhesi addhaham asannibhave
nibbattoti. Evam sallakkhentena tena dukkaram katam sattadha
bhinnassa valassa kotiya koti patividdha akase padam
dassitam tasma nam bhagava imasmimyeva vatthusmim etadagge
thapesi etadaggam bhikkhave mama savakanam bhikkhunam pubbenivasam
anussarantanam yadidam sobhitoti.



             The Pali Atthakatha in Roman Book 1 page 614-628. http://84000.org/tipitaka/atthapali/read_rm.php?B=1&A=12893&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=1&A=12893&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=1&i=281              เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=10838              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=3941              The Pali Tipitaka in Roman Character :- http://84000.org/tipitaka/read/roman_read.php?B=1&A=3941              Contents of The Tipitaka Volume 1 http://84000.org/tipitaka/read/?index_1

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]